Ndërroi jetë gjatë ndeshjes, policia njoftim zyrtar për vdekjen e futbollistit

Policia e Rrogozhinës ka dalë me një njoftim zyrtar për vdekjen e futbollistin e Raphael Dëamena, gjatë ndeshjes së Superligës Egnatia-Partizani këtë të shtunë.

Policia bën me dije se futbollisti 28-vjeçar nga Gana ndërroi jetë gjatë rrugës për në spital.

Dyshohet se ai pësoi një atak kardiak në minutën e 24 të takimit. Por edhe pse mori kujdesin e nevojshëm mjekësor nuk mundi të mbijetonte dot.

Policia bën me dije se ka nisur një hetim në lidhje me rastin dhe ka referuar materialet në prokurori.

Rrogozhinë/Informacion paraprak

Në stadiumin “Arena Egnatia”, ku po zhvillohej ndeshja e futbollit të ligës “Abisnet Superiore”, midis ekipeve Egnatia dhe Partizani, në minutën ‘23-‘24, futbollisti i ekipit Egnatia, shtetasi R. D., 28 vjeç, kapiten i këtij ekipi, është ndjerë keq dhe ka rënë në tokë, pa ndjenja.

Menjëherë, janë futur në fushë, mjekët e ekipeve dhe autoambulanca, dhe futbollisti është transportuar në spitalin e Kavajës, por mjekët konfirmuan se 28-vjeçari kishte humbur jetën.

Është ngritur një grup i posaçëm hetimor dhe në drejtimin e Prokurorisë, po vijon puna për të sqaruar shkakun e humbjes së jetës së lojtarit, gjatë ndeshjes.

LEXONI GJITHASHTU:

• Pas vdekjes së Dwamena, FSHF anulon të gjitha sfidat e kësaj jave në Superligë
• E rëndë/ Ndërron jetë futbollisti, pësoi atak gjatë ndeshjes Egnatia-Partizani