Avokatët e gjyqtares dhe mjekut apelojnë arrestin me burg, raporton gazetari Maçi

Gazetari i Euronews Albania, Merin Maçi tha se përfaqësuesit ligjor dhe avokatët e gjyqtares Enkeleda Hoxha dhe mjekut Edvin Prifti nuk kanë depozituar, të paktën deri në këto momente, asnjë ankimim të vendimit të Gjykatës së Posaçme.

“Ditën e shtunë, dy ditë pas finalizimit të operacionit nga SPAK, përfaqësuesit ligjorë në cilësinë e mbrojtësve të personave të arrestuar do të ankimojnë vendimin dhe masën e sigurisë të caktuar, atë të arrestit me burg,” – sqaroi gazetari Maçi.

Maçi rikujtoi gjithashtu deklaratën e avokatit Visha, të gjyqtares Enkeleda Hoxha se masa e caktuar nga trupa gjykuese e GJKKO është tepër e rëndë, sidomos kur ligji parashikon një masë më të lehtë për personat si në rastin e Hoxhës, që është e divorcuar, me dy fëmijë, njëri prej të cilëve me aftësi të kufizuara.

Sakaq, puna për identifikimin e personave të tjerë të përfshirë në skemën e korrupsionit në radhët e drejtësisë vijon.

Lexoni gjithashtu: 

Arrestimi i mjekut, zbulohet përgjimi i SPAK që çoi në pranga Edvin Priftin

KLGJ pezullon gjyqtaren e Krujës, u arrestua për korrupsion

Gjyqtarja Hoxha u përgjua teksa takohej me avokatin e të dënuarit | Foto

Hetimet për gjyqtaren Hoxha, SPAK nis verifikimet për transferimet e të dënuarve në burgun e Fushë-Krujës

Gjykata vendos arrest me burg për mjekun Edvin Prifti: Sulm politik, riktheva besimin tek shëndetësia