GJKKO cakton masë sigurie për ish-ministrin Beqaj

GJKKO ka vendosur me kërkesë të SPAK, një masë sigurie ndaj ish-ministrit të Shëndetësisë, Ilir Beqaj.

Ai akuzohet për shpërdorim detyre kryer në bashkëpunim.

Njësoj si ish-kryeministri Berisha, ndaj Beqajt është vendosur “Detyrim për paraqitje në Policisë gjyqësore” dhe “Ndalim i i daljes jashtë shtetit”. Ky vendim është ekzekutuar këtë të premte.

Ndërkohë, kujtojmë se ish-zv. ministri i Shëndetësisë Klodian Rrjepaj dhe biznesmeni Ilir Rrapaj janë në burg për koncesionin e sterilizimit, po e njëjta çështje për të cilën akuzohet dhe Beqaj.

Historiku: 

Referuar dosjes vërtetohet lidhja e ish-ministrit me biznesmenin, që fitoi koncesionin  për sterilizimin e seteve kirurgjikale. Sipas SPAK ish-zëvëndësministri dhe biznesmeni kanë përfunduar studimet bashkë me Fakultetin e Mjekësisë në 1991-1994. Po ashtu edhe drejtori i kompanisë koncesionare Sani Service, ka qenë shoku i tyre i klasës.

Njohja mes tyre është konfirmuar edhe nga të afërm të tjerë. Nga të dhënat në sistemin TIMS rezulton se Ilir Rrapaj, Ilir Beqaj dhe Klodian Rjepaj hynë në Shqipëri më datë 15.06.2014. Kjo periudhë përkon me kohën përgatitore të koncesionarit. SPAK bën me dije se ata kanë udhëtuar edhe në kohë të tjera së bashku.

LEXONI GJITHASHTU:

• Rama në takim me liderët e rajonit, i bashkohet Olta Xhaçka dhe Ilir Beqja
• Ilir Beqja refuzon mandatin, nuk dorëzon në KQZ formularin e dekriminalizimit