“Radoiçiç kërcënon Kosovën?” Gashi: Kriminel në duart e Vuçiç, as frymë s’merr pa të

Tomë Gashi, avokati nga Kosova, tha në një intervistë për Euronews Albania se pavarësisht kërcënimeve, nuk ka për të pasur një luftë mes Serbisë dhe Kosovës.

Ai tha se kërcënimet nga Radoiçiç janë të ndikuara nga presidenti i Serbisë Vuçiç, pa të cilin siç u shpreh Gashi, “Radoiçiç as frymë nuk merr”.

Ai tha se Serbia po kërkon të krijojë situata tensioni në Ballkanin Perëndimor, për shkak të ndikimit që ka te ajo Rusia.

“Mendoj se ehte vetëm kërcënim. Radoiçiçi ky kriminel i sofistikuar,  është vetëm një figurë e zbehtë në duart e Vuçiçit. Mendoj se Radoiçiçi as frymë nuk merr pa e pyetur Vuçiçin, ndaj mendoj se këto kërcënime që ka paralajmëruar Kurti,  mendoj se janë vetëm çështje kërcënimi pa pasur një realizim të mundshëm.

Me siguri kryeministri Kurti ia bën këto kërcënime edhe faktorit ndërkombëtar, pasi në të gjitha takimet që ka pasur muajt e fundit, çështja më prioritare ka qenë çështja e sigurisë në Kosovë, sepse çështjet e bisedimeve më Serbinë janë çështje letrash, por nëse Serbia në mënyrë direkte rrezikon Kosovën si shtet, ne duhet ta themi dhe duhet të përgatitemi, për raste të incidenteve.

Megjithatë luftë nuk do të ketë për sa kohë strategjinë e madhe të çështjeve botërore e ka Stoltenberg dhe të tjerë. Ky është mendimi im dhe i strategëve ushtarak. Këto janë çështje të ndikimit të Rusisë te Serbia”,-tha Gashi.

LEXONI GJITHASHTU:

• Kurti paralajmëron: Duket se Radoiçiç po organizon grupin terrorist në Rashkë
• “Do ju vras po prekët banesën”- Haliti: Mesazhi që Radoiçiç u dërgoi politikanëve