Me duar e këmbë të lidhura, gjendet i vdekur aktori kolumbian

Aktori kolumbian Kevin Andrés Muñoz Tovar u gjet i vdekur  në qytetin Tuluá në zemër të Valle del Cauca në Kolumbi, pas një grabitjeje të dyshuar të armatosur.

23-vjeçari, sipas mediave të huaja në moementin që është  gjetur i pajetë, kishte duart dhe këmbët e lidhura ndërkohë kishte marrë dhe disa plagë që besohet se janë shkaktuar nga një sulm me thikë.

Siç raportohet, i riu ishte torturuar para se të vdiste.

Ndërkohë në lidhje me rastin është arrestuar një 19-vjeçar, i cili dyshohet se ishte i përfshirë në vrasjen e Kevin Andres Munoz Tovar.

Kevin ishte një aktor që luajti në filmin e Netflix-it të vitit 2020 ‘Lavaperros’, i titulluar ‘Dogëashers’ në anglisht, një komedi e zezë për një mbret të dështuar të drogës.

Në vitin 2022, ai u shfaq në thrillerin Apple TV+ Echo 3, me Michiel Huisman, Luke Evans dhe Jessica Collins. Ai u shfaq gjithashtu në një episod të serialit televiziv kolumbian “Turbia”, i cili tregon historinë e dy komuniteteve, një i pasur dhe një i varfër, që përballen me mungesën e ujit pas një thatësire mujore.

Vrasja e Kevin thuhet se është e 11-ta e regjistruar deri më tani këtë vit në qytetin Tulua.

LEXONI GJITHASHTU: 

• Pse mungoi Kurti në Samitin e Diasporës në Tiranë, gazetari flet nga Prishtina
• Akuza për grup kriminal dhe trafik droge, Erzen Breçani dhe 3 të tjerë para gjykatës