“Napoleon” përçan Francën, qytetarët mendime të kundërta për filmin e Ridley Scott

Ndërsa mediat britanike kanë vlerësuar filmin e ri të Ridley Scott, spektatorët dhe kritikët francezë kanë shprehur përshtypje të ndryshme pasi kanë parë ‘Napoleon’.

Në Fontanblë, provinca ku perandori francez kishte rezidencën, disa e konsiderojnë filmin të bukur, të tjerë janë të pakënaqur nga pasaktësitë historike.

“Ishte një broçkull, nuk më pëlqeu. Është e turpshme të shpenzosh kaq shumë para për të treguar falsitete”, thotë një burrë.

“Më rrëmbeu portretizimi i jetës private të Napoleonit. Nuk e dija që ishte ashtu, por tek e fundit ku e dimë ne se si ishte? Sidoqoftë është një film i mrekullueshëm. Kishte kohë që nuk shihja një film kaq madhështor”, shprehet një grua.

Filmi ofron një vështrim mbi origjinën e Bonapart dhe ngjitjen e tij të shpejtë e të pamëshirshme drejt statusit të perandorit. Gjithçka tregohet përmes prizmit të marrëdhënies së tij me bashkëshorten dhe dashurinë e vetme, Zhozefinën.

LEXONI GJITHASHTU:

• Cili do të jetë filmi më i mirë Europian? Pretendentë të fortë në garë
• ‘Napoleon’ zbret në kinema me polemika, filmi i Scott shkakton debate