Si funksionon drejtësia krahasuar me 5 vite më parë? Rritet vlerësimi i qytetarëve

Gjetjet e Barometrit në Euronews Albania, sa i përket funksionimit të drejtësisë duke e krahasuar me 5 vite më parë, kanë rezultuar me rritje të vlerësimit nga qytetarët.

Shqiptarët mendojnë se drejtësia sot është më e mirë se ajo e 5 viteve më parë dhe po ashtu kanë shpresë se ajo do të përmirësohet në 5 vitet e ardhshme.

Kështu, 43.1% e qytetarëve e kanë vlerësuar funksionimin e drejtësisë si shumë më mirë në krahasim me 5 vite më parë. 18.8% e tyre e kanë vlerësuar si “më keq” në krahasim me 5 vite më parë.

36.8% e qytetarëve janë shprehur se funksionimi i drejtësisë krahasuar me 5 vite më parë është “njësoj”, ndërsa 1,3% e tyre “nuk janë përgjigjur”.

Shifrat e gjetjeve të sondazhit kanë pësuar ndryshim në përqindje në nëntor të vitit 2023.

Ato kanë pësuar rritje të vlerësimit të qytetarëve që funksionimi i drejtësisë është shumë më mirë se 5 vite më parë.

Në 5 vitet e ardhshme, 46.6% e qytetarëve mendojnë se sistemi i drejtësisë do të jetë më mirë, ndërsa 15.9% menodjnë se do të jetë më keq. 33.8% e të anketuarve mendojnë se sistemi i drejtësisë në 5 vitet e ardhshme do të jetë njësoj, ndërkohë që vetëm 3.8% e tyre nuk janë përgjigjur.

Duke i krahasuar shifrat me nëntorin e vitit 2022, ku vetëm 31.3% e qytetarëve mendonin se sistemi do ishte shumë më mirë në 5 vitet e ardhshme, këtë vit ky vlerësim është rritur edhe më tej.

Vlerësimi i qytetarëve se sistemi i drejtësisë në 5 vitet e ardhshme do jetë shume më mirë është rritur në shifrat e 46.6%. Rritje në shifrat e 33.8%, ka pësuar edhe vlerësimi i qytetarëve që mendojnë se në 5 vitet e ardhshme sistemi i drejtësisë do të jetë njësoj. Ata që mendojnë se sistemi i drejtësisë në 5 vitet e ardhshme do të jetë më keq ka pësuar ulje, nga 31% që ishte në nëntor të vitit 2022, në nëntor të këtij vitit është ulur në shifrën e 15.9%.