Shpërthimi i makinës në kufirin SHBA-Kanada, identifikohet çifti i viktimave

Policia ka identifikuar viktimat e një shpërthimit të makinës në një pikë kufitare mes SHBA-së dhe Kanadasë.

Sipas BBC, Kurt Villani dhe gruaja e tij Monica Villani, të dy 53-vjeçarë, vdiqën kur makina e tyre u hodh në erë dhe u rrëzua në Urën Rainboë në Ujëvarat e Niagarës.

Ata jetonin 10 milje (16 km) në jug të vendit të përplasjes në Grand Island, Nju Jork.

Një agjent kufitar amerikan u plagos gjithashtu në incidentin e të mërkurës, i cili shkaktoi një reagim të madh emergjence dhe mbylljen e katër pikave kufitare.

Frika e sigurisë erdhi në prag të Ditës së Falënderimeve Amerikane, një nga ditët më të ngarkuara të udhëtimit të vitit.

Guvernatorja e Nju Jorkut Kathy Hochul më vonë përjashtoi terrorizmin.

Është ende e paqartë se çfarë e shkaktoi që automjeti i çiftit të shtonte shpejtësinë, përpara se të fluturonte në ajër dhe të shpërthente në flakë.

Kryetari i Niagara Falls në Nju Jork, Robert Restaino, i tha Neë York Times të enjten se çifti kishte qenë duke udhëtuar me një automjet më të vjetër Bentley dhe ishin rrugës për në një koncert në Kanada, që mendohej të ishte një shfaqje ‘Kiss’ që më vonë u anulua.

Ai shtoi se policia po heton disa mundësi pas përplasjes.

LEXONI GJITHASHTU:

• Dy të vdekur pas shpërthimit të një makine në kufirin SHBA-Kanada
• Një mjet shpërthen në kufirin Kanada-SHBA, mbyllen përkohësisht 4 pikë-kalimet