Julian Deda zbulon amanetin e fundit të Zef Dedës përpara se të ndërronte jetë

Aktori i njohur, Julian Deda, ka zbuluar përmes një postimi prekës në facebook amanetin e fundit të të atit, mjeshtrit të madh Zef Deda.

Ai shkruan se e vetmja gjë që Zef Deda i kërkoi familjes para se të largohej nga kjo botë, ishte të ishin të qeshur.

“Porosia e tij e fundit “ju du t’qeshun”, do shkojë në vend.

Familja jonë falenderon përzemërsisht secilin nga ju, për mbështetjen dhe respektin e treguar. Ju duam..!”- shkruan Julian Deda në facebook.

Zef Deda ishte një nga komedianët më të njohur shqiptar, i cilësuar edhe si Charlie Chaplin i Shqipërisë. Ai u nda nga jeta më 24 nëntor, pasi humbi betejën nga një sëmundje nga e cila vuante.

Lindi në Shkodër më 27 korrik 1950. U shkollua në qytetin e tij të lindjes, dhe ndoqi politeknikumin e ndërtimit në Tiranë. Filloi shkollën e lartë për gjuhë – letërsi, por nuk e mbaroi dot për arsye shëndetësore. Ka punuar për më shumë se 40-vite në Teatrin Migjeni të Shkodrës.- Advertisement

Talenti i tij spikat që në moshë të vogël. Me një shkathtësi dhe me një plastikë të shkelqyër psiko-fizike ai arrine të realizojë qindra figura artistike. Prandaj ishte mjaft i dashur për publikun shqiptar, sidomos atë Shkodran. Pas një shkeputje prej 6 vitesh, për shkak te emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit, të cilin e vazhdoi me sukses.

Zef Deda ishte i martuar me Rozina Dedën dhe ka dy djem, Julian Deda dhe Marjan Deda. Zef Deda gjithashtu ka interprertuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.

LEXONI GJITHASHTU:

• “Ecja e fundit bashkë”, Jul Deda dedikim prekës për të atin
• “Simbol i humorit shqiptar”, aktorët homazhe për mjeshtrin e madh Zef Deda