OBSH zbulon shifrën tronditëse, ja sa vdekje ndikohen vetëm nga ndotja

Ndryshimet klimatike po shkaktojnë dëme në shëndetin dhe mirëqenien e njerëzve kudo në botë. Ekspertët referojnë se ndikimet e klimës janë në shumë dimesione, duke nisur nga, lëndimet dhe vdekjet si pasojë e ngjarjeve ekstreme klimatike, rritja e përhapjes së sëmundjeve të transmetuara nga vektorët, rritja e sëmundjeve kardiovaskulare nga ngrohja ekstreme, sëmundjet e mushkërive nga ndotja e ajrit, pasiguria ushqimore, rritja e rrisqeve për shëndetin mendor dhe mirëqenien, migrimin dhe konfliktin.

Tashmë është e faktuar se  impaktet e klimës në shëndetin e njeriut janë të pashmangshme, duke bërë që në vitin 2019, rrisqet shëndetësore të ndjeshme ndaj klimës zënë 69.9% të vdekjeve globale

Ndotja e ajrit vlerësohet si një nga rreziqet më të mëdha mjedisore për shëndetin. Ndërthurja e ndotjes ambientale me ndotjen në mjediset e brendshme në banesa shkakton rreth 7 milionë vdekje të parakohshme në vit nga sëmundjet ishemike të zemrës, goditjet në tru, kanceri i mushkërive dhe sëmundjet respiratore si astma dhe pneumoni..

Në prag të konferencës së 28-të për Ndryshimet Klimatike të OKB-së, OBSH ka publikuar “Rishikimin e vitit 2023 të shëndetit në kontributet e përcaktuara kombëtare dhe strategjitë afatgjata”, duke theksuar veprimet e nevojshme për të siguruar që shëndeti i njerëzve të jetë plotësisht i prioritetizuar dhe i integruar në planet kombëtare për të luftuar ndryshimet klimatike.

Për të siguruar një përgjigje të drejtë dhe efektive ndaj ndryshimeve klimatike, OBSH kërkon që mekanizmat e financimit klimatik të caktojnë më shumë fonde për politika dhe iniciativa që synojnë të mbrojnë ose përmirësojnë shëndetin njerëzor.

LEXONI GJITHASHTU:

• OBSH: Rastet me sëmundje respiratore në Kinë në nivel më të ulët se para pandemisë
• OBSH i kërkon informacion Kinës për rritjen rasteve të pneumonisë te fëmijët