CNN: Rreth 100 palestinezë të liruar, ishin ndaluar pa asnjë akuzë nga Izraeli

Më shumë se gjysma e atyre palestinezëve të liruar nga burgjet izraelite në këmbim të pengjeve nuk u akuzuan kurrë, ka raportuar CNN.

Sipas mediave të huaja, të cilat citojnë CNN, rreth 98 nga 150 të burgosurit e liruar u ndaluan pa akuza. Shifrat treguan se 119 prej tyre ishin fëmijë dhe 31 ishin gra.

Amnesty International tha në fillim të këtij muaji se Izraeli kishte rritur në mënyrë dramatike përdorimin e ndalimit administrativ, një formë burgimi pa akuza apo gjyq.

Numri i palestinezëve të mbajtur nga Izraeli është rritur në më shumë se 7,800, duke përfshirë rreth 300 fëmijë dhe 72 gra, tha Qadura Fares, kreu i Komisionit të Autoritetit Palestinez për Çështjet e të Burgosurve.

Ai tha se numri nuk përfshin të burgosur nga Gaza, numër të cilin ai tha se Izraeli refuzon të zbulojë.

LEXONI GJITHASHTU:

• Gaza, zyrtari i Egjiptit: Sinjale pozitive nga palët për zgjatjen e armëpushimit
• E burgosura palestineze: Lirimi ishte surprizë, nuk e dinim se ç’po ndodhte në Gaza