Inteligjenca amerikane dhe Izraelite “zbarkojnë” në Katar

Inteligjenca amerikane dhe izraelite kanë shkuar në Katar, për bisedimet për zgjatjen e armëpushimit në Gaza.

Sipas mediave të huaja, Katari ka bërë thirrje të herëpashershme për zgjatjen e armëpushimit në Gaza.

Tani kryeministri i Katarit është takuar me zyrtarë të inteligjencës izraelite dhe amerikane për të “folur mbi përparimin” e bërë nga zgjatja e parë 48-orëshe, i tha Reuters një burim i informuar për vizitën.

Drejtorët e CIA-s dhe Mossad-it të Izraelit janë në kryeqytetin e Katarit, Doha, së bashku me zyrtarët egjiptianë, për të hapur fazën tjetër të një marrëveshjeje të mundshme.

Çdo marrëveshje e re do të varet pjesërisht nga aftësia e Hamasit për të vazhduar lirimin e pengjeve, por Katari ka thënë se nuk mund të vërtetojë se sa prej tyre mbeten në duart e tyre, përtej 20 të caktuarve që do të lirohen sot dhe nesër.

LEXONI GJITHASHTU:

• Turqia planifikon të evakuojë nga Gaza disa fëmijë të sëmurë dhe plagosur
• Shtyhet pakti i armëpushimit, Izraeli vazhdon sulmet tokësore dhe ajrore në Gaza