Gazi i gatimit, qindra njerëz të dëshpëruar qëndrojnë në radhë në Gaza

Që nga fillimi i armëpushimit, njerëzit në Gaza kanë qenë në radhë për furnizime, përfshirë gazin e gatimit.

Sipas mediave të huaja, Deir al-Balah shtrihet në qendër të Gazës. Supozohet të jetë një qytet “i sigurt” në krahasim me veriun e shkatërruar, ku popullsia e tij është zhvendosur.

Qindra janë në radhë për marrjen e gazit të gatimit dhe disa njerëz thonë se kanë tre ditë që presin atje, duke fjetur në anë të rrugës në të ftohtë, me shpresën se do të mund të gatuajnë diçka të nxehtë.

“Ku janë të gjithë arabët dhe muslimanët?”- një mesoburrë bërtet me inat teksa pret në radhë për gaz. “Ku janë të gjithë mbrojtësit e të drejtave të njeriut? Ju e keni lënë popullin palestinez të vuajë, të ketë uri dhe të shkatërrohet.”

Dëshpërimi dhe zhgënjimi janë të dukshëm në fytyrën e një gruaje. “Ne kemi pritur në radhë për të mbushur një bombol gazi që herët në mëngjes,” thotë ajo. “Kam falur namazin e sabahut në këmbë”, shtoi ajo më tej.

Ajo thotë se ishte zhvendosur nga Beit Hanoun në veri, vetëm 2 km (1.2 milje) nga kufiri me Izraelin. Ajo tani po jeton me familjen e saj në një shkollë të OKB-së në qytetin Deir al-Balah në qendër të Gazës.

“Nuk mund ta përshkruaj shkatërrimin,” thotë ajo. “Familje të tëra janë fshirë nga të dhënat civile. Ata janë vrarë nën shtëpitë e tyre. Gaza është shkatërruar plotësisht. Na mëshiro.”

LEXONI GJITHASHTU:

• Akuzat për përdorimin e fosforit të bardhë në Gaza, përgjigjen Forcat Izraelite
• Katari, Egjipti, SHBA dhe Spanja kërkojnë zgjatjen e armëpushimit në Gaza