Vrasja e Shkëlzen Kastratit, RENEA kontrolle në Laç, dyshohet se autorët janë fshehur në këtë qytet

Që prej mbrëmjes së djeshme forcat RENEA kanë zbarkuar në Laç.

Efektivët kanë kryer kontrolle të imtësishme në këtë zonë, pasi dyshohet se janë fshehur autorët e vrasjes së Shkëlzen Kastratit.

Gazetari Merin Maçi raporton se operacion vijon ende.

Nuk dihet nëse ka persona të shoqëruar, por mësohet se janë kontrolluar disa banesa ku dyshohet se fshihen këta persona. 

Pak ditë më parë për këtë vrasje Policia njoftoi se ka identifikuar 4 autorët e dyshuar.

Albert Zaja, Elmir Tufa, Elson Xheçuka dhe Silvio Cara dyshohet se janë vrarës me pagesë, të cilët në bashkëpunim ekzekutuan me armë zjarri 42-vjeçarin në vendin e quajtur “Ura e Sheqit”.

Për të 4 personat Gjykata e Fierit ka vendosur në mungesë masën “arrest në burg”, për veprën penale “Vrasja me paramendim kryer në bashkëpunim”.

Ndërkohë policia ka sekuestruar në cilësinë e provës materiale edhe dy automjetet që janë përdorur nga autorët për të kryer vrasjen dhe për t’u larguar nga vendi i ngjarjes.

Lexoni gjithashtu:

Vrasja e Shkëlzen Kastratit në Fier, policia shpall në kërkim 4 persona

Ekzekutohet me armë zjarri një person në Fier, dyshohet për hakmarrje