Koncesioni i sterilizimit, ish-ministri Ilir Beqaj paraqitet sërish në SPAK

Ish-ministri i Shëndetësisë, Ilir Beqaj, është paraqitur sërish ditën e sotme në SPAK.

Ai nuk pranoi të prononcohej për mediat as gjatë hyrjes dhe as gjatë daljes nga zyrat e Prokurorisë Speciale.

Beqaj po hetohet nga SPAK për koncesionin e sterilizimit dhe ndaj tij janë vendosur masat e sigurisë “detyrim paraqitje” dhe ndalim i daljes jashtë shtetit”.

SPAK e akuzon atë për “shpërdorim detyre” për koncesionin e sterilizimit të pajisjeve kirurgjikale, një kontratë 10 vjeçare e firmosur në dhjetor të vitit 2015.

Më saktësisht, sipas hetimeve të zhvilluara deri në këtë fazë, ish-ministri akuzohet për shkelje të barazisë në tendera apo ankande publike.

Ai deri më tani nuk e ka apeluar masën e sigurisë së vendosur ndaj tij dhe po vijon gjyqin në “Shkallën e Parë të GJKKO-së.

LEXONI GJITHASHTU:

• Berisha, mosbindje civile? Ironizon Lita: Shpresoj të mos jetë si e PS dhe e PD
• Kushtet për integrimin, Nesho: Arsyet pse Greqia nuk tërhiqet nga çështja “Beleri”