Iu bë atentat në Lezhë, ky është viktima Nikulaj, kushëriri i biznesmenit të vrarë

Eno Nikulaj mbeti i vrarë në një atentat me armë zjarri mbrëmjen e së shtunës në Lezhë.

Nikulaj, 40 vjeç po lëvizte me një fuoristradë në aksin rrugor “Lezhë-Shkodër”, në vendin e quajtur “Ura e trenit” ku persona ende të paidentifikuar kanë qëlluar me breshëri automatiku ë drejtim të tij duke e plagosur rëndë.

40-vjeçari ndërroi jetë më vonë në spital për shkak të plagëve të marra.

Eno Nikulaj rezulton të jetë djali i xhaxhait të Ardian Nikulaj, i cili u ekzekutua po në një atentat mafioz më 19 maj.

Nga informacionet paraprake dyshohet se shkak i atentatit të jenë përplasjet për gjakmarrje dhe hakmarrje të fisit Nikulaj.

LEXONI GJITHASHTU:

• U qëllua me breshëri kallashnikovi nga një BMW, si ndodhi atentati ndaj Eno Nikulaj
• Prençi: Nikulajt nuk e marrin dot gjakun e Ardianit dhe po të vrasin 10-të