SPAK i qëndron akuzave ndaj Luan Dacit, vendimi pritet të jepet më 8 mars

Përfundon procesi në Gjykatën e Posaçme të Apelit ndaj ish-anëtarit të Kolegjit të Posaçëm të Apelimit, Luan Dacit.

Në seancën e sotme është lexuar pretenca dhe mbrojtja, ku SPAK i ka qëndruar akuzave të ngritura ndaj tij për falsifikim dokumentesh, ndërsa mbrojta mohon akuzat duke kërkuar pafajësi.

Seanca e radhës do të zhvillohet më 8 mars, ku pritet te jepet vendimi.

Daci u mor në hetim nga Struktura e Posaçme Anti-Korrupsion (SPAK) pak muaj më parë.

Më 1 dhjetor të vitit të kaluar ai u dënua me 6 muaj burg, vendim i cili u konvertua në 1 vit shërbim prove, ku u akuzua për falsifikim dokumentesh, pasi ka fshehur shkarkimin nga detyra nga Këshilli i Lartë i Drejtësisë në vitin 1997.

Këshilli i Lartë i Drejtësisë i asaj kohe e kishte shkarkuar nga detyra për shkelje të ligjit dhe paaftësi.

Kjo shkelje sipas ligjit për statusin e gjyqtarit dhe prokurorit përbën shkak për mosplotësimin e kritereve për të qenë pjesë Kolegjit të Posaçëm të Apelit.

Lexoni gjithashtu:

Dorëhiqet një prej gjyqtareve, shtyhet seanca në Gjykatën e Posaçme për Luan Dacin

Ish-anëtari i KPA, Luan Daci kërkon pafajësi në apelin e GJKKO-së