Bombardimet ruse në Ukrainë, vriten dy persona

Shefi i administratës së qytetit të Hersonit, Roman Mrochko, shtoi se u sulmua edhe një godinë mjekësore, ku mbetën të plagosur lehtë katër mjekë.

Sulmet ruse në qytetin e portit në lumin Dnjepër janë bërë të zakonshme prej se ushtria ukrainase e çliroi atë vitin e kaluar. Vrasjet e civilëve në këtë pjesë raportohen pothuajse çdo ditë.

Për shkak të dimrit dhe palëvizshmërisë së vijës së frontit prej mbi 1.000 kilometra të gjatë, të dyja palët i kanë përdorur bombardimet ajrore për t’i bërë trysni ushtrive të njëra-tjetrës.

Presidenti i Ukrainës, Volodymyr Zelensky, pritet t’iu drejtohet sonte përmes një videoje senatorëve amerikanë, për shkak të frikës se përpjekjet e Ukrainës për ta luftuar Rusinë mund të dështojnë nëse ajo nuk e ka mbështetjen e vazhdueshme nga Perëndimi.

Administrata Biden i ka kërkuar Kongresit ta miratojë kërkesën e Shtëpisë së Bardhë prej gati 106 miliardë dollarësh për t’i financuar luftërat në Ukrainë, Izrael dhe nevojat e tjera të sigurisë.

LEXONI GJITHASHTU:

• “Rusia gjenocid ekologjik”, shembja e digës së Kakhovkës, Kievi padit Moskën në Hagë
• Rusia lëshon urdhër-arrest për fituesen e Eurovizionit nga Ukraina