Scaloni “sinjale” lamtumire: Argjentina meriton një trajner tjetër, nuk jam i duhuri

Deklaratat e shpeshta të trajneri Lionel Scaloni kanë trembur drejtuesit e federatës argjentinase të futbollit, me 45-vjeçarin i cili ka dhënë sinjale lamtumire.

Diçka e tillë ka ndodhur dhe gjatë shortit të grupeve për kupën e Amerikës 2024. Për mediat, kampioni i botës konfirmoi se do të largohet nga skuadra, pasi nuk është i duhur për drejtimin e albiçelestëve.

“Mendoj për momentin që po jetoj. Është e rëndësishme të ndalim topin e të flasim, nuk ka asgjë të çuditshme. Lojtarët janë mirë, skuadra është mirë dhe duhet një trajner që është mirë, me të gjitha energjitë. E thashë dhe e përsëris, kanë nevojë për një trajner të nivelit të tyre. Marrëdhënia me presidentin Tapia është shumë e mirë, është një çështje personale”, tha Scaloni.

Scaloni ka pasur dhe një përplasje me yllin e Interi Miamit, Lionel Messin, për të cilin pohoi se çështja është sqaruar. Sa i përket karrierës si trajner, 45-vjecari ka drejtuar vetëm Argjentinën, pasi tek Sevilla ka pasur rolin e ndihmësit, diçka të tillë e bëri pas 2017 dhe tek kampionët e botës, për të kaluar më pas në rol kryesor.

LEXONI GJITHASHTU:

• “Dëshiroja kthimin në Barcelonë”- Lionel Messi flet për transferimin në SHBA
• Messi flet pas dhunës në Brazil-Argjentinë: Mund të ishte një tragjedi