“Bashkëpunëtorë të Izraelit”, Rusia akuzon SHBA-në pas vetos kundër rezolutës së OKB

Rusia akuzon Shtetet e Bashkuara si “bashkëpunëtore në masakrën brutale të Izraelit” pas vetos së saj të premten ndaj një rezolute të Këshillit të Sigurimit të OKB-së që bën thirrje për një armëpushim të menjëhershëm në Gaza, me diplomatin e saj që akuzoi Uashingtonin në një deklaratë për këshillin pas votimit.

“Kolegët tanë amerikanë kanë dënuar me vdekje mijëra, nëse jo dhjetëra mijëra, më shumë civilë në Palestinë dhe Izrael, duke përfshirë gra dhe fëmijë, së bashku me punëtorët e OKB-së që po përpiqen t’i ndihmojnë ata”, tha Zëvendës Përfaqësuesi i Parë i Përhershëm rus në OKB, Dmitry Polyansky.

“Dikush mund të thotë shumë fjalë të bukura, por boshe për demokracinë, të drejtat e njeriut, paqen, sigurinë, disa rregulla dhe rend, por sot, ne mësuam vlerën e vërtetë të këtyre fjalëve pasi dy anëtarë të Këshillit të Sigurimit të OKB-së preferuan të mbeten bashkëfajtorë në brutalitetin masakrës të Izraelit”, tha diplomati, sipas CNN në një aludim të dukshëm për ShBA-në dhe Britaninë e Madhe, të cilat abstenuan nga votimi.

Rusia ishte në mesin e 13 vendeve që votuan në favor të projekt-rezolutës për Gazën, e cila kërkonte një armëpushim të menjëhershëm humanitar, lirimin e menjëhershëm dhe të pakushtëzuar të pengjeve si dhe akses humanitar në Rripin e Gazës.

Rusia ka vënë në mënyrë të përsëritur veton ndaj projekt-rezolutave të Këshillit të Sigurimit të OKB-së që kërkonin fundin e sulmit të saj të vazhdueshëm ndaj Ukrainës.

LEXONI GJITHASHTU:

• SHBA vendos veto ndaj rezolutës së OKB për armëpushim të menjëhershëm në Gazë
• Macron akuzohet për tradhti ndaj sekularizmit, shkak ceremonia hebreje brenda Elysee