Marku: Fëmijët e Naim Murselit mund të gjykojnë veprimin e tij kur të jenë 16 vjeç

Gjin Marku i pajtimit të gjaqeve u shpreh në emisionin Real People në Euronews Albania se vrasja e gruas prej burrit të saj dënohet shumë rëndë sipas Kanunit.

Teksa iu referua vrasjes në Liridona Ademajt me porosi të bashkëshortit të saj, Marku u shpreh se edhe pse normalisht në një rast si ky fëmijët do t’i kalonin familjes së Liridona Ademajt për t’u kujdesur, Kanuni i sheh ata si përgjegjësi e babait, pavarësisht rrethanave.

“Trashëgimia e gjakut duhet të vazhdojë në pronën ku është martuar nëna e fëmijëve”, tha Marku.

Pajtuesi i gjaqeve tregon se sipas Kanunit, fëmijët e Naim Murselit dhe Liridona Ademajt, kur të shkojnë 16 vjeç mund të gjykojnë vet veprimin e babait të tyre, pasi t’u jetë rrëfyer e gjithë historia.

“Nëse e pranojnë babanë apo jo, ata kanë të drejtë të japin një mendim kur të mbushin 16 vjeç. Kurrë nuk ka ndodhur të dhunohet gruaja siç ndodh sot”, tha Marku.

LEXONI GJITHASHTU:

• Pajtuesi i gjaqeve: Vrasja e Liridona Ademajt nuk mund të falet as me Kanun
• I ngeli si gozhdë-Gazetari “zbulon” detaje: Çfarë i kërkoi Liridona-Naimit në 2019