Kriza humanitare në Jemen, OKB organizon konferencë donatorësh për të ndihmuar 16 milionë njerëz

Organizata e Kombeve të Bashkuara ka organizuar një konferencë donatorësh të drejtuar nga Suedia dhe Zvicra për t’i ardhur në ndihmë Jemenit, shtet i cili po përjeton një krizë të paprecedentë humanitare.

Sipas OKB-së, Lufta në Jemen e ka shndërruar shtetin e varfër në një vend të pa shpresë, ku dëmet janë në nivele të pakthyeshme.

Në një intervistë për Euronews, Jan Egeland, Sekretari i Përgjithshëm i Këshillit norvegjez të Refugjatëve tregoi mbi vizitën e tij në Jemen.

cite_header=Takova nëna me fëmijë në gjendje katastrofale. Më treguan se pas përgjysmimit të racioneve ushqimore ato nuk mund të ushqenin me gji fëmijët e tyre. 16 milionë njerëz kanë nevojë urgjente për ushqim në Jemen. Ky është komuniteti më i madh në nevojë në të gjithë botën. Nëse nuk do të kemi sukses në konferencën e donatorëve do të jemi dëshmitarë të një krize urie që bota nuk e ka parë që nga vitet 80-të në Etiopi dhe Sahel.
cite_author=Jan Egeland
cite_description=Sekretari i Përgjithshëm i Këshillit norvegjez të Refugjatëve
]

Ndërkohë SHBA-ja e ka tërhequr rezolutën ku Partia Huthi cilësohej si një organizatë terroriste, pasi kishte një impakt shkatërrues mbi popullsinë e Jemenit, duke mos lejuar aksesin ndaj ushqimeve dhe karburantit.

“Një ndër të paktat lajme pozitive është dhe ajo e vendimit të Administratës Biden për të tërhequr rezolutën që e cilësonte Partinë Huthi si një organizatë terroriste, pasi ata kontrollojnë 75% të popullsisë në Jemen dhe tentativat për të negociuar bisedimet për paqe,” – tha Egeland

Në konferencën e së hënës, Kombet e Bashkuara shpresojnë të mbledhin 3.85 miliardë dollarë nga kombet donatore. Vitin që shkoi konferenca arriti të mblidhte 1.9 miliardë dollarë, afërsisht gjysmën e shumës së nevojshme.

Lexoni gjithashtu: 

Variantet e reja të virusit, rritet prania në kufirin franko-gjerman, vështirësohet kalimi

Pasaporta e gjelbër e COVID-19 që lejon lëvizjen e qytetarëve, shkakton debate në BE