Ndryshim në 24 orë, emërimi i Setien në krye të Barcelonës si një ëndërr

Realizim i një ëndrre. Kështu mund të cilësohet emërimi i Quique Setien në stolin e Barcelonës. Tekniku kaloi nga fushat Liencres në fushën e Kamp Nout aty ku do këtë mundësinë të stërvitë disa nga futbollistët më të mirë në botë. 

“Dje isha duke ecur bashkë me lopët në vendin tim ndërsa tani jam në krye të Barcelonës, duke stërvitur futbollistët më të mirë në botë”, është shprehur Setien.

Jeta e teknikut mori një kthesë të fortë në vetëm 24 orë. Nga rehatia që kishte me parë, tashmë ka në dorë mundësinë për të shkruar historinë më një ekip fantastik si Barcelona.

Gazeta spanjolle MARCA u hap me një foto dhe titull mjaft interesant. “FUTBOLLI ËSHTË SI QUMËSHTI”, shkruan e përditshmja spanjolle duke pasqyruan në një farë mënyre rutinën që Quique Setien bënte para se të ulej në krye të stolit  të katalansve.

Tashmë nis sfida e vërtetë për teknikun i cili firmosi në kontratë për 2 vjet e gjysmë dhe të gjithë presin nga ai që ti rikthejë barcelonës identitetin e saj pasi filozofia e tij e futbollit bazohet në mbajtjen dhe qarkullimin e topit.

Në letër Setien duket njeriu ideal për stolin e kampionëve të spanjës. Tashmë mbetët për t’u parë se si do të sillet skuadra në fushën e lojës.