95% e shërbimeve online, shtohet pasaporta e vaksinimit, por Shqipëria nuk do e vendosë kusht

Platformës “e-albania” do t’i shtohen së shpejti një sërë shërbimesh për qytetarët dhe bizneset. Me 1207 shërbime të integruara deri më sot, për drejtoreshën e Agjencisë Kombëtare të Shoqërisë së Informacionit, Mirlinda Karçanaj, volumi i tyre përbën 95 për qind të tyre, ndërsa plani i digjitalizimit do të zgjerohet më tej me bizneset, arsimin, transporti etj.

“Më 1 korrik fillon procesi i fiskalizimit biznes-biznes, do të marrin fund totalisht blloqet e faturave, transporti-kostoja. Më 1 shtator fillon edhe procesi biznes-qytetar,” – tha drejtuesja e AKSH Mirlinda Karçanaj.

“Së shpejti do të jetë gati sistemi i menaxhimit të arsimit të lartë, për studentët që do të të marrin në kohë reale vërtetimin me numër matrikullimi. Regjistrimi i nxënësve do të kryhet online dhe dëftesat do të mund të printohen online me vulë elektronike,” – tha Karçanaj

Por, risi në platformë këtë herë do të jetë edhe pasaporta e vaksinimit, ose dokumenti që i paraprin udhëtimeve në shtetet që do ta vendosin si kusht për kalimin e kufirit. Por, nëse një sërë vendesh po kërkojnë të aplikojnë këtë regjim lëvizjeje, kryeministri Edi Rama tha për Euroneës Albania se Shqipëria nuk do ta kërkojë për shtetasit që do të hyjnë në Shqipëri.

“Për sa i përket reciprocitetit, nuk është në interesin tonë. Duhet të marrin dozat, kjo është e para, dhe ne na intereson në ato kushte që të jemi të hapur, jo të jemi të mbyllur,” – tha Rama.

Sipas drejtoreshës së AKSHi-t, që nga krijimi i portalit “e-Albania”, certifikatat, vërtetimet e kontributeve dhe apelimi i gjobave, janë shërbimet më të pwrdorura, ndërsa një pjesë e vogël e tyre nuk mund të digjitalizohen për  shkak të nevojës për praninë e detyrueshme fizike të individëve apo mjeteve.

Lexoni gjithashtu:

Rama për Euronews Albania: Nuk është në interesin tonë të vendosim pasaportë vaksinimi për shtetasit që vijnë nga jashtë

Rama: Vaksinimi mund të kthehet në kusht për udhëtimet jashtë vendit

”PD-LSI duan të vrasin drejtësinë”, Rama: Plan Meta-Berisha për të marrë pushtetin e shpërbërë reformën