Kopenhagen shënon historinë, cilat janë 8 ekipet e para të kualifikuara në Champions

Champions League nuk zhgënjeu as të martën, ku rezultatet surprizë nuk munguan. Kopenhageni ishte surpriza e mbrëmjes e cila arriti të linte pas Manchester United dhe Galatasaray, duke vijuar rrugëtimin në fazën me eleminim direkt. Kjo është hera e dytë në historinë e kësaj skuadre që kalon grupet, ndërsa mposhti në shtëpi minimalisht Galatasarayn. Në të njëjtin grup, Manchester United u mposht në shtëpi nga Bayerni, edhe pse djajtë luajtën mirë. Goli i vetëm i përballjes erdhi nga francezi Coman, ndërsa gjermanët e mbyllin si kokë grupi.

Në grupin B nuk Arsenali e mbylli në krye, ndërsa ekipi tjetër që kalon më tej është PSV. Sevilla mbylli rrugëtimin në Evropë, ku për herë të parë pas shumë vitesh nuk do të garojë në Europa League, kjo përforcuar edhe pas humbjes ndaj Lens.

Reali bëhet ekipi i parë për këtë sezon që e mbyll fazë ne grupeve me pikë të plota, ndërsa përmbysi në Gjermani, Unionin e Berlinit me rezultat 2-3. Napoli fitoi ndaj Bragës, por portugezët do të jenë pjesë e Europa League në vijim, me Napolin e Realin që do të vijojnë garën në Ligën e Kampionëve.

Real Sociedad e mbylli si i pari në grupin D pas barazimit pa gola në Meazza, duke bërë që Interi të renditet i dyti, madje duke i vështirësuar punët këtyre të fundit. BEnfica mori fitoren e parë në grupë në transfertën e Salzburgut, ndërsa siguroi një biletë për kompeticionin e dytë në Evropë.

LEXONI GJITHASHTU:

• VIDEO| Di Maria shënon supergol nga goditja e dënimit në ndeshjen e Champions League
• Champions| Milani në ndeshje ‘jetë a vdekje’, por sytë nga ajo që ndodh në Gjermani