Arrestimi i ish-kreut të bandës së Durrësit në Spanjë, reagon Taulant Balla

Ministri i Brendshëm Taulant Balla ka reaguar në lidhje me arrestimin në Spanjë të Lulzim Berishës, ish-kreut të bandës së Durrësit.

Përmes një postimi në rrjete sociale Balla përgëzon policinë e Shtetit dhe homologët spanjollë dhe thekson se “pandëshkueshmëria do të marrë fund ndaj kujdo sado që të fshihet”.

Reagim i ministrit të Brendshëm, Taulant Balla:

Sundimi i ligjit vijon të godasë në Shqipëri e kudo, mbi këdo dhe pandërshkueshmëria do të marrë fund ndaj kujtdo që kujton se do të vazhdojë t’i fshihet. Përgëzoj Policinë e Shtetit, ekipin e Fast Tirana të cilët në bashkëpunim me Fast Madrid, të kanë bërë të mundur arrestimin e shtetasit Lulzim Berisha në Alicante, Spanjë, një person i kërkuar nga drejtësia në Shqipëri.

Euronews Albania ka siguruar dhe foton e të shumëkërkuarit Lulzim Berisha pas arrestimit nga policia spanjolle.

LEXONI GJITHASHTU:

• Arrestohet në Spanjë Lulzim Berisha
• Vrasja e Vajdin Lames, GJKKO nis procesin gjyqësor ndaj Berishës dhe 6 të pandehurve