Vrasja e Vajdin Lames, GJKKO nis procesin gjyqësor ndaj Berishës dhe 6 të pandehurve

Gjykata e Posaçme ka nisur procesin gjyqësor ndaj Lulzim Berishës, Emiljano Shullazit dhe 5 të pandehurve të tjerë të akuzuar për vrasjen e Klodian Saliut e Vajdin Lames.

Në seancën paraprake, avokatët mbrojtës kërkuan ri ekespertim të gjendjes mendore të Luftar Reçit, dëshmitarit të drejtësisë që ka rrëfyer dhe zbardhuar ngjarjet e rënda kriminale.

Në akt-ekspertimin e parë, mjekët kanë dalë në konkluzion se Reçi ka çrregullime të ankthit, por deklarimet e dhëna prej tij, në lidhje me personat që ekzekutuan Vajdin Lamen, mikun e tij Artan Arasi dhe Klodian Saliun, mund të merren si provë nga prokuroria.

Por mbrojtësit e të pandehurve pretendojnë se Reçi ka shfaqur shenja të sindromës së mitomanisë, që sipas tyre njihet si patalogjia për të gënjyer. Sipas avokatëve, mitomanët janë të vetëdijshëm që po gënjejnë, por në momente specifike mund të arrijnë të besojnë historitë e tyre, gjë që i bën këta persona të gënjejnë për fakte e rrethana duke i servirur si të vërteta.

Kjo kërkesë u rrëzua nga gjykata, ndërsa seanca e radhës do të mbahet më 21 nëntor.

Dy ngjarjet kriminale të zbardhura nga SPAK kanë ndodhur shkurtin e vitit 2005. Mbrëmjen e 26 shkurtit, Klodian Saliu po udhëtonte me një automjet në aksin Durrës-Maminas, kur u qëllua me breshëri nga një makinë tjetër.

Një ditë më vonë, biznesmeni Vajdin Lamaj u vra nga një shpërthimi telekomanduar i një sasie tritoli të vendosur në ashensorin e pallatit, ku i vrarë mbeti edhe Artan Arsi.

LEXONI GJITHASHTU:

• Vrasja e Vajdin Lames, SPAK çon për gjykim personat që ‘joshën’ Luftar Reçin
• Emiljano Shullazi del nga regjimi i izolimit 41 bis
• Berisha akuza ndaj Mark Markut: Avokat i Lulzim Bashës