Interi thellon diferencën me Juventusin, Bolonja ngjitet në vendin e katërt

Transferta e Lazios rezultoi e suksesshme për Interin, teksa ashtu siç pritej nuk pati surpriza. Zikaltrit zhvilluan një tjetër 90 minutësh pozitiv, duke shënuar 2 gola e hipotekuar 3 pikët. Vendësit e nisën mirë sfidën, ndërsa rrezikuan disa herë portën e Sommer, por një gabim në mbrojtje, bëri që të përfitonte Lautaro Martinez, i cili dribloi potierin dhe kaloi në avantazh Interin. Fraksioni i parë u mbyll me avantazhin minimal, ndërsa në të dytën Thuram dyfishoi rezultatin.

Francezi u shërbye mirë në zonë, ndërsa me portën thuajse bosh ndali topin në rrjetë. Me këtë fitore Inter shkon në kuotën e 41 pikëve, 4 më tepër se Juventusi i vendit të dytë. Surpriza e momentit në kampionatin Italian është Bolonja e cila mori një tjetër triumf. Të besuarit e Thiago Mottës ia dolën të mposhtin Romën me rezultatin 2-0. Goli i parë erdhi në minutën e 37’ nga Moro, më pas autogoli i Kristensen dyfishoi avantazhin.

Kjo ishte fitorja e 3-të në 4 përballjet e fundit për Bolonjan e cila e sheh veten në vendin e katërt në tabelë me 28 pikë. Në sfidat e tjera të së dielës, Udinese barazoi me Sassuolon, Fiorentina mposhti Veronën dhe Milani fitoi 3-0 ndaj Monzës.

LEXONI GJITHASHTU:

• Reali dhe “tersi” i penalltive/ Madrilenët s’ kanë shënuar në Champions dhe La Liga
• Mbrëmje magjike në Champions, 31 gola në 8 përballjet e luajtura