Reali dhe “tersi” i penalltive/ Madrilenët s’ kanë shënuar në Champions dhe La Liga

Vendi i dytë në kampionat dhe kualifikimi si kokë në grupi në Ligën e Kampionëve konfirmojnë se Reali i Madridit po kalon një formë pozitive, ndërsa cilësohet ekipi që duhet mundur.

Ekipi i Ancelottit është i pakonkurrueshëm, ku në 16 javë të La Ligas ka vetëm 1 humbje. Krahas formës së jashtëzakonshme, ka dicka që nuk shkon tek kjo skuadër e është pikërisht ekzekutimi i penalltive.

E përkthyer në shifra, madrilenët nuk kanë shënuar asnjëherë nga 11 metra, konkretisht Vini Jr ka humbur penalltinë e parë në miqësoren me Barcelonën. Ndërkohë sa i përket kompeticioneve zyrtare, Rodrygo u ndal nga portieri i Celta Vigo, Joselu shpërdoroi rastin ndaj Osasunës dhe Modric në Ligën e kampionëve ndaj Union Berlin.

Sa i përket kësaj të fundit, të humbur nga mesfushori kroat, bëhet e para penallti e humbur që prej vitit 2014, aty ku Ronaldo gabonte ndaj Ludogorets. Ky është i vetmi shqetësim për Ancelottin dhe Realin e tij, që historikisht ka qenë një skuadër që ekzekutimin e penalltive e ka pasur pikën e fortë. 34 gola janë shënuar prej kësaj skuadre në kampionat, duke u renditur e dyta pas Gironas, ndërsa në Champions 16 të tillë.

LEXONI GJITHASHTU: 

• “Jo dhunë”/ Fushatë sensibilizuese kundër dhunës me bazë gjinore në Pogradec
• Putin në konferencën e fundvitit, bën zotimin për luftën në Ukrainë