Detaje nga masakra në Pragë: Autori vrau babain, një javë më parë zhduku një vajzë

Pesëmbëdhjetë persona, përfshirë agresorin, mbetën të vrarë nga të shtënat pasditen e së enjtes në selinë e Fakultetit të Letërsisë në Pragë.

Sipas policisë çeke, e cila ka bërë të premten një përditësim të ngjarjes, 25 persona të tjerë mbetën të plagosur. Mes tyre ishin edhe 3 turistë të huaj, 2 nga Emiratet e Bashkuara Arabe dhe një nga Holanda.

Shefi i policisë së Pragës konfirmoi lajmet e qarkulluara më herët se vrasësi kishte vrarë edhe të atin përpara masakrës, në banesën e tij në lokalitetin Hoston, në perëndim të kryeqytetit.

Gjithashtu, hetuesit kanë gjetur një lidhje mes autorit të masakrës dhe vrasjes së një vajze në pyllin Klanovicki javën e kaluar.

Ministri i Brendshëm, Vit Rakushan nënvizoi se hetuesit nuk kishin konstatuar një lidhje të agresorit me ndonjë grup ekstremist.

Ndërkohë, kryeministri Peter Fiala vendosi lule pranë selisë së universitetit, në nder të viktimave.

LEXONI GJITHASHTU:

• Momentet e tmerrit të masakrës në Pragë, studentët fshihen në parvazin e dritareve
• “Agresori erdhi te dera, dëgjova krisma”-Flet i mbijetuari nga universiteti në Pragë