Momentet e tmerrit të masakrës në Pragë, studentët fshihen në parvazin e dritareve

Republika Çeke ka shpallur të shtunën ditë zie kombëtare pasi një person i armatosur mbrëmjen e djeshme vrau 14 persona dhe plagosi 25 të tjerë në një universitet në Pragë.

Personi i armatosur, për të cilin policia tha se ishte “eliminuar”, besohet të ketë vrarë edhe babanë  tij.

Të shtënat filluan rreth orës 15:00 me orën lokale në ndërtesën e Fakultetit të Arteve.

Agresori hapi zjarr në korridoret dhe klasat e ndërtesës, duke vrarë  të gjithë ata që i dilnin përpara. Stafi dhe studentët përdorën mobilje për të mbrojtur veten në auditore, si dhe u fshehën në ambientet të ndryshme të universitetit.

Mes tmerrit dhe britmave disa nga studentët u fshehën në parvazet e dritareve me shpresën se agresori do të neutralizohej nga policia.

Pamjet dramatike u shpërndanë në media sesi të rinjtë strukeshin për të shpëtuar.

Policia thotë se autori i sulmit ishte një student 24-vjeçar në universitet, i cili nuk ka precedentë të mëparshëm penalë, megjithëse atij iu gjet një “arsenal i madh armësh dhe municionesh”.

https://www.youtube.com/watch?v=H_ej0TCE2sQ&t=3s