Reali në krye të La Liga, Betis ndal Gironën, fiton edhe Majorka e Muriqit

Gara për kreun në kampionatin spanjoll sa vjen e bëhet më e bukur, me dy skuadra të cilat nuk kanë ndërmend ti lëshojnë terren njëra-tjetrës.

Reali i Madridit dhe surpriza e sezonit Girona po luftojnë bashkë se cila prej tyre do të fitojë trofeun, edhe pse është ende shpejt.

Të besuarit e Ancelottit janë rikthyer sërish në krye, pas hapit fals të Gironës ndaj Betis. Galaktikët nuk e patën aspak të lehtë 90 minutëshin e fundit në transfertë, teksa u ndëshkuan edhe me karton të kuq, trajneri Ancelotti dhe mbrojtësi Nacho. Ndeshja thuajse po shkonte drejt një barazimi pa gola, porn ë minutën e 92’ ishte Lucas Vasquez që ndali topin në rrjetë duke regjistruar kështu fitoren e 14 në këtë sezon të La Liga për Realin.

Më këtë rezultat, është Girona ajo që zbret e dyta edhe pse skuadrat janë me pikë të barabarta. Këta të fundit barazuan me Betis në transfertë 1-1. Pjesa e parë u mbyll në avantazhin minimal falë golit të Dovbyk, ndërsa në fraksionin tjetër ishin vendësit që barazuan me Pezzellën 2 minuta para fundit të kohës së rregullt. Në sfidat e tjera Mallorca mposhti Osasunën 3-2, ndërsa Cadiz barazoi pa gola me Sociedadin.

LEXONI GJITHASHTU:

• Vendimi i gjykatës për Superligën Evropiane, reagojnë Real Madrid dhe Barcelona
• Në 2022 rritja e pagës reale më e ulët se shtrenjtimi i çmimeve