Riaktivizohet zjarri në qendrën tregtare në Lushnjë

Flakët në qendrën tregtare në Lushnjë të cilat kanë nisur rreth orës 14:40 të ditës së sotme duket se janë riaktivizuar.

Më herët Ministri i Brendshëm, Taulant Balla tha për mediat se ndonëse ishte bërë i mundur evakuimi i personave në godinë dhe shuarja e një pjese të mirë të flakëve, rreziku nuk kishte kaluar, pasi vatra të tjera vijonin aktive.

Gazetari i Euronews Albania, Eni Ferhati, i cili ndodhet në vendngjarje dha më shumë detaje rreth asaj që po ndodh:

“Zjarri është riaktivizuar. Tashmë ka flakë të shumta mbi tarracën e qendrës tregtare. Rreth 30 minuta më parë dukej sikur situata ishte qetësuar. Por mesa duket kemi pasur akumulim të zjarrit i cili ka shpërthyer tashmë në një pjesë që është e hapur dhe mund të kemi ndërhyrje nga ajri. Zjarri duket se ka një intensitet gjithnjë e më shumë në rritje”.

LEXONI GJITHASHTU:

• Zjarri në Lushnjë/ Specialisti i policisë: Po vijojmë kontrollet në çdo kat e hyrje
• Zjarri në Lushnjë/ Mbi 20 persona dërgohen në spital, s’dihet numri i të bllokuarve