Zjarri në Lushnjë/ Mbi 20 persona dërgohen në spital, s’dihet numri i të bllokuarve

Zjarri i rënë në qendrën tregtare në Lushnjë vijon të jetë aktiv. Sipas korrespondentit të Euronews Albania, Mariglen Bita, mbi 20 persona janë dërguar në spital për shkak të asfiksimit.

Ndonëse kanë nisur evakuimet nga qendra tregtare dhe pallatet ngjitur me të, ende nuk dihet se sa është numri i personave të bllokuar.

“Mbi 20 persona janë shoqëruar për në spitalin e Lushnjës, ndërkohë që ambulanca vazhdon të vijnë e të ikin. Ndërkohë nuk mund të llogaritet numri i personave të cilët janë bllokuar brenda qendrës tregtare por edhe në pallatet që janë ngjitur me godinën e qendrës tregtare”,-raportoi korrespondenti.

LEXONI GJITHASHTU:

• Zjarri në Lushnjë/ Specialisti i policisë: Po vijojmë kontrollet në çdo kat e hyrje
• 35 persona në Spitalin e Lushnjës/ Skënder Brataj: Janë jashtë rrezikut për jetën