Bombardohet stacioni hekurudhor në Ukrainë, viktima e të plagosur

Të paktën një person mbeti i vrarë dhe 4 të tjerë të plagosur në Ukrainë, kur forcat ajrore ruse bombarduan një stacion hekurudhor në Kherson, ku civilët po bëheshin gati për t’u evakuuar.

“Rusia sulmoi një stacion treni. Një tren për evakuim. Megjithatë, shërbimet janë rikthyer dhe numri i viktimave po përcaktohet. Kishte shumë civilë në momentin e sulmit”, tha Volodymyr Zelensky, president i Ukrainës.

Ndërkohë, Rusia konfirmoi se një nga anijet kryesore të saj është dëmtuar nga një sulm i Kievit në Krimenë e aneksuar. Ngjarja ndodhi në portin Feodosia, pasi u godit nga raketat “Cruise”. Mbi ngjarjen u informua edhe presidenti Putin.

Gazetarët e agjencisë “Associated Press” ndoqën operacionin e “Qendrës 73”, një nga njësitë elitë të forcave speciale ukrainase, e përbërë nga operativë, sabotatorë nënujorë dhe specialistë të dronëve luftarakë.

Sulmi i tyre ndaj anijes la një të vdekur dhe dy të plagosur, pa harruar dëmet e mëdha materiale.

LEXONI GJITHASHTU:

• Analiza: Përmes luftërave në Gazë e Ukrainë, Kina përpiqet të udhëheqë Jugun Global
• Biden miraton buxhetin rekord të mbrojtjes, 300 milionë vetëm për Ukrainën