Kosovë| Kapet sasi e konsiderueshme monedhash 2 euro të falsifikuara

Një sasi e kosniderueshme monedhash të falsifikuara janë sekuestruara nga Policia e kosovës në dy raste të ndara. Monedhat false prej 2 eurosh u sekuestruan në Graçanicë dhe në Fushë Kosovë, në vlerë rreth 7 mijë euro. Policia bën me dije se vlera totale e monedhave shkon rreth 7 mijë euro.

“Preoc, Graqanicë  27.12.2023-09:20. Dy ankuese femra kosovare-zyrtare të bankës, kanë raportuar se kohët e fundit, nga klient të ndryshëm janë deponuar monedha metalike të cilat dyshohet se janë të falsifikuara, gjithsejtë 3295 x 2 euro në vlerë 6,590 euro, të cilat janë konfiskuar për ekzaminime të mëtutjeshme. Është njoftuar  prokurori”, njofton policia e Kosovës.

Rasti në Fushë-Kosovë u denoncua nga zyrtarja e një banke lokale, e cila denoncoi përpara autoriteteve se nga data 11.12.2023 deri më 27.12.2023 persona të ndryshëm kanë deponua monedha të ndryshme metalike të cilat dyshohet se janë të falsifikuara.

“Te-Rrethi, Fushë Kosovë. 11.12.2023. Më 27.12.2023 ankuesja femër kosovare, zyrtare e bankës, ka raportuar se klient të ndryshëm nga data e cekur kanë deponuar 364 euro monedha të ndryshme metalike, shumica prej tyre në vlerë 2 euro, të cilat dyshohet të jenë të falsifikuara. Monedhat janë sekuestruar për ekzaminime të mëtejshme, është njoftuar prokurori”, thuhet në raport