Seanca në GJKKO për masën e arrestit, ja ku po e pret vendimin Berisha

Ditën e sotme në GJKKO po zhvillohet seanca gjyqësore ndaj ish-kryeministrit Sali Berisha, pas kërkesës së SPAK për ashpërsimin e masës së sigurisë nga “detyrim paraqitje” në “arrest shtëpie me mbikqyrje policore”.

Berisha duket se vendimin e sotëm të GJKKO-së do e presë në banesën e tij, pasi pak minuta më parë ai është larguar nga selia e PD dhe ka shkuar në shtëpi.

Po ashtu, bëhet me dije se Berisha nuk do të rikthehet sot pasdite në seli.

Kujtojmë se kërkesa e SPAK për shtrëngim të masës së sigurisë vjen pas mosrespektimit nga Berisha të masës “detyrim paraqitje” të vendosur më herët ndaj tij.

Berisha po hetohet për korrupsion në dosjen e privatizimit të ish-kompleksit Partizani.

LEXONI GJITHASHTU:

• Në prag të vendimit për Berishën, shtohen policët në GJKKO, mbërrijnë dhe avokatët
• GJKKO jep sot masën e sigurisë, Berisha: Pse më ka “pëlqyer” kërkesa e SPAK