Kimmich në orbitën e Liverpool, në garë dhe Man United, Sancho pranë Dortmundit

Joshua Kimmich është padyshim ndër mesfushorët më të mirë në botën e futbollit, me gjermanin që kërkohet nga disa skuadra.

Krahas Barcelonës, garës për shërbimet e tij i janë shtuar dhe Liverpool e Manchester United, me 28-vjeçarin që pavarësisht rëndësisë që ka tek bavarezët, është i pakënaqur.

Në këtë situatë, mesfushori është në kërkim të një tjetër skuadre, ndërsa në verë mund të ndryshojë destinacion.

Emrat e qarkulluar të futbollistëve janë të shumta përgjatë merkatos së janarit apo edhe më tepër në atë të verës. Jadon Sancho cilësohet si afrimi më i ri i Dortmundit, i cili po rikthen në formë huazimi, ish lojtarin të cilin në vitin 2021 e shiti drejt Old Trafford. Verdhezinjtë njihen tanimë për mënyrën e tyre të vecantë të menaxhimit të lojtarëve, ndërsa me një Sancho të padëshiruar në ishull, Gjermania do të ishte destinacioni ideal.

Dëmtimet në repartin difensiv bëjnë që Reali i Madridit të këmbëngulë për një rikthim të Raphael Varane. Francezi i cili është në dyshim tek djajtë e kuq, po ashtu do ta përqafonte një rikthim në skuadrën që e bëri të njohur. Drejtuesit e klubit anglez po ashtu kanë vendosur të mos e rinovojnë kontratën e shtatlartit, duke e shtyrë edhe më tej këtë të fundit, të gjeje një skuadër përpara verës.

LEXONI GJITHASHTU:

• City ndalet nga Liverpool, s’ka fitues në “Etihad Stadium”. Ekipet ndajnë nga 1 pikë
• Liverpool drejt kualifikimit, Slavia sfidon Romën. Europa League me 16 sfida