Zgjedhjet në Holandë, qendrat e votimit të hapura tri ditë, favorit Mark Rutte

Për tri ditë me radhë, 13 milionë qytetarë në Holandë janë ftuar të votojnë në zgjedhjet e përgjithshme parlamentare, cilësuar një referendum për qeverinë për mënyrën sesi ka menaxhuar krizën e shkaktuar nga pandemia.

Kryeministri Mark Rutte një nga liderët më jetëgjatë, pritet të fitojë mbështetje të gjerë, duke siguruar edhe një mandat të katërt.

Zgjedhjet zhvillohen edhe në kushtet e pandemisë, por edhe në mes të rritjes së zemërimit kundër masave kufizuese.

Prej disa javësh, qytetarët holandezë kanë protestuar duke u përplasur edhe me policinë.