Hoxhaj pas takimit me Osmanin e Kurtin: PDK kërkon 10 përgjigje për t’i përkrahur institucionet e reja

Ushtruesi i detyrës së kryetarit të PDK-së, Enver Hoxhaj, pas takimit me Albin Kurtin dhe Vjosa Osmanin tha se sjellja e tij karshi konstituimit të institucioneve varet nga dhjetë qëndrimet që iu ka lënë në tavolinë.

Zoti Hoxhaj tha se Kurti fillimisht duhet përgjigjet për dhunën politike e një sërë temash tjera.

Ndërkohë, ai theksoi se vendimin final për zgjedhjen e presidentit do ta marrin në organet e partisë.

“Sjellja jonë në konstituimin e institucioneve të vendit varet prej qëndrimeve që i kemi ngritur në takim: distancimi prej dhunës politike, dialogu me Serbinë dhe kërkim-falja, anulimi i asociacionit, rishikimi i vijës kufitare me Malin e Zi, marrëveshja e Uashingonit, mini-shengeni, reciprociteti me Serbinë”, tha ai.

Kreu i Lëvizjes Vetëvendosje, Albin Kurti dhe ushtruesja e detyrës së Presidentit të Kosovës, Vjosa Osmani nisin sot takimet me partitë politike për krijimin e institucioneve të reja.

Puna për konsitutimin e institucioneve të reja në Kosovë nisi pasi më 13 shkurt KQZ certifikoi zgjedhjet e 14 shkurtit.

Nga rezultati përfundimtar i certifikuar sot në KQZ, Lëvizja Vetëvendosje është fituese e zgjedhjeve me 50.28% të votave.

Lexoni gjithashtu:

Kosovë, KQZ-ja certifikon rezultatin e zgjedhjeve të 14 shkurtit

Presidenti dhe institucionet e reja, Kurti dhe Osmani ‘negociata’ me PDK dhe AAK, refuzon LDK