Kanosi me një armë lodër 40-vjeçarin, arrestohet i riu me precedentë penal

Policia e Cërrikut ka arrestuar një 33-vjeçar, i cili dy ditë më parë kanosi një 40-vjeçar, me një send të ngjashëm me armën e zjarrit.

33-vjeçari i arrestuar, me precedent të mëparshëm kriminal në fushën e narkotikëve, kanosin 40-vjeçarin pas një konflikti për motive të dobëta.

Shërbimet e Policisë kanë gjetur në automjetin e 33-vjeçarit, sendin që dyshohet se ka përdorur ky shtetas, për kanosjen.

Materialet procedurale në ngarkim të tij i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

“Shërbimet e Komisariatit të Policisë Cërrik, në zbatim të masave të përcaktuara në kuadër të operacionit policor kombëtar të koduar “Sundimi i ligjit”, pas kallëzimit të një 40-vjeçari se ishte kanosur nga një shtetas, kanë organizuar punën për kapjen dhe nxjerrjen përpara përgjegjësisë ligjore të autorit dhe për zbardhjen e rrethanave të këtij rasti.

Si rezultat u bë kapja në lagjen nr 3, Cërrik, dhe arrestimi i shtetasit E. B., 33 vjeç, banues në Cërrik.

Ky shtetas u shpall në kërkim pasi nga veprimet hetimore të kryera pas kallëzimit të 40-vjeçarit, rezultoi se më datë 06.01.2024, në fshatin Shalës, e kishte kanosur këtë shtetas, për motive të dobëta, me një send të ngjashëm me armën e zjarrit.

Gjatë kontrollit në automjetin që drejtonte shtetasi E. B., shërbimet e Policisë kanë gjetur dhe sekuestruar në cilësinë e provës materiale, sendin e ngjashëm me pistoletë, që dyshohet se është sendi i përdorur nga shtetasi E. B., për kanosjen”, njofton policia.

LEXONI GJITHASHTU:

• Doli në ballkon për cigare, u qëllua me snajper në kokë. Si ndodhi atentati në Vlorë
• Vrasja në Vlorë, policia: Është qëlluar me armë, viktima një 23-vjeçar