Vrasja në Vlorë, policia: Është qëlluar me armë, viktima një 23-vjeçar

Të shtëna me armë zjarri janë shënuar mbrëmjen e kësaj të diele në qytetin e Vlorës. Sipas informacioneve paraprake raportohet se viktimë ka mbetur shtetasi 23-vjeçar, Gëzim Sinomati.

Ngjarja ka ndodhur në afërsi të poliklinikës së qytetit, në lagjen “Hajro Çakërri”, ndërkohë që policia njofton se ka ngritur pika kontrolli në hyrje dhe dalje të qytetit për kapjen e autorit ose autorëve.

Grupi hetimor ndodhet në vendngjarje dhe po punon për zbardhjen e rrethanave dhe dinamikës së ngjarjes.

Vlorë/Informacion paraprak

Rreth orës 22:00, në lagjen “Hajro Çakërri”, Vlorë, në rrethana ende të paqarta, është qëlluar dyshohet me armë zjarri shtetasi G. S., 23 vjeç, banues në Vlorë, i cili si pasojë ka ndërruar jetë.

Shërbimet e Policisë kanë rrethuar zonën dhe janë ngritur pika kontrolli në hyrje dhe në dalje të qytetit, si dhe përgjatë rrugëve që lidhin njësitë administrative, me qëllim kapjen e autorit/ve.

Grupi hetimor po vijon punën për sekuestrimin e çdo prove materiale që do ti shërbejë zbardhjes së ngjarjes dhe identifikimit të autorit/ve.

Në ndihmë të Policisë Vendore janë nisur Forcat Speciale Renea, Forcat Kombëtare të Sigurisë dhe Delta Forcë.

LEXONI GJITHASHTU:

• “Një nënë 41-vjeçare me 4 fëmijë nuk arrin në vetëvrasje”, Softa: S’ka vetëm 1 pistë
• Brenda banesës së Bedrie Lokës/ Flet vajza e 41-vjeçares: Mami kishte shenja dhune