“S’kishim zgjidhje tjetër”, sulmet ndaj Houthi, Britania: Do godasim sërish nëse…

Mbretëria e Bashkuar nuk kishte “zgjidhje” përveçse të ndërmerrte veprime ushtarake kundër grupeve Houthi në Jemen lidhur me sulmet e tyre në Detin e Kuq, tha sekretari i jashtëm i Britanisë David Cameron.

Cameron u shpreh se Mbretëria e Bashkuar i kishte dhënë grupit “paralajmërim pas paralajmërimi” përpara se t’i bashkohej sulmeve të udhëhequra nga SHBA këtë javë.

Duke folur për Sunday Telegraph, ai tha se çmimet do të rriteshin në MB nëse Houthis bllokonin rrugë të rëndësishme tregtare.

Grupi pro-Hamasit ka sulmuar anijet në Detin e Kuq, duke pretenduar se synon Izraelin për luftën në Gaza.

Sulmet e tyre ndaj anijeve mallrash – disa prej të cilave nuk kanë lidhje të qartë me Izraelin – kanë bërë që kompanitë e mëdha të transportit detar t’i devijojnë anijet larg Detit të Kuq, në vend të kësaj të marrin një rrugë më të gjatë rreth Afrikës Jugore.

Cameron tha se Mbretëria e Bashkuar mori pjesë në sulme për të mbrojtur “lirinë e lundrimit”.

Ai sugjeroi gjithashtu se Britania mund të godasë sërish objektivat Houthi nëse sulmet e tyre vazhdojnë.

“Nëse Houthit e mohojnë këtë kalim te anijet, zinxhirët jetik të furnizimit kërcënohen dhe çmimet do të rriten në Britani dhe në mbarë globin”, tha ai.

“Ne do të punojmë me aleatët. Ne gjithmonë do të mbrojmë lirinë e lundrimit. Dhe, më e rëndësishmja, ne do të jemi të përgatitur të mbështesim fjalët me veprime”, u shpreh Cameron.