I dënuar me 3.4 vite burg për drogë, arrestohet në Sharrë 33-vjeçari

Roland Lamuça, 33 vjeç, është arrestuar ditën e sotme në Sharrë në kuadër të “Sundimi i ligjit”.

Policia bën me dije se 33-vjeçari është i dënuar me 3 vjet e 4 muaj burgim, për vepra penale në fushën e narkotikëve.

“Gjykata e Shkallës së Parë e Juridiksionit të Përgjithshëm Tiranë e ka dënuar këtë shtetas me 3 vjet e 4 burgim, për veprat penale “Kultivimi i bimëve narkotike”, dhe “Prodhimi dhe shitja e narkotikëve. Në vitin 2022, ky shtetas është kapur në Sharrë, nga shërbimet e Policisë me doza kokaine si dhe ka kultivuar kanabis, po në këtë zonë”-thuhet në njoftimin e policisë.

Materialet procedurale i kaluan Prokurorisë pra Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU: 

• Maqedonci: Rreziku nga Serbia mbetet i madh, jemi më të përgatitur se kurrë
• “Planifikojnë të kenë 5,500 ushtarë”, Vuçiç: SHBA po armatos Kosovën