EMRI| Ndërtoi pa leje tre objekte në Theth, arrestohet biznesmeni

Shtetasi Kin Thaçina u arrestua nga policia e Shkodrës pasi ndërtoi pa leje tre objekte në zonën e Thethit.

Objektet me strukturë druri që shihni në foton e mësipërme, po ndërtoheshin nga biznesmeni në tokë publike me qëllim përfitimin nga turizmi.

Materialet procedurale në ngarkim të tij i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

“Shërbimet e Postës së Policisë Theth, gjatë kontrolleve në terren, kanë konstatuar se në një sipërfaqe toke publike ishin ndërtuar 3 objekte, pa lejen përkatëse.

Në vijim të veprimeve hetimore dhe procedurale për këtë rast, është arrestuar shtetasi K. Th., 63 vjeç, pasi kishte ndërtuar 3 objekte druri mbi platforma të betonizuara, dyshohet me qëllim shtimin e ambienteve për akomodimin e turistëve që vizitojnë zonën”, thueht në njoftimin e policisë.