Qeveria ”Kurti 2”, Nagavci: 5 ministre do të jenë gra, besoj se njëra do drejtojë ministrinë e Jashtme

Arberie Nagavci, nënkryetare e parlamentit në Kosovë tha për Euronews Albania se tashmë janë mandatet për të formuar qeverinë e re në Kosovë.

“Ne tashmë i kemi numrat për votimin e qeverisë, përveç 58 deputetë të LVV, janë edhe 2 deputetë, Emilia Rexhepi dhe Elbert Krasqini, pra janë 60 deputetë. Kemi 3 deputetë të tjerë nga komunitet jo shumicë jo serbe”, u shpreh zonja Nagavci.

Ajo tha më tej se emrat e rinj të kabinetit të qeverisë janë diskutuar në kryesinë e Lëvizjes Vetëvendosje dhe është vendosur që të jenë 5 ministre gra nga 15 ministri gjithsej.

“Tashmë është publike që kuvendin do ta kryesojë zoti Glauk Konjufca”, tha zonja Nagavci.

Sa i përket postit të ministrit të Jashtëm, ajo tha se edhe këtë post beson se do e marrë një grua, por nuk u prononcua më gjatë për të dhënë një emër konkret.