Bedri Qorri është gjyqtari që do të gjykojë vrasjen e Klodian Rashës

Gjykata e Tiranës ka hedhur shortin për dosjen e vrasjes së 25-vjeçarit Klodian Rasha.

Shorti për shqyrtimin e kësaj çështjeje i ka rënë gjyqtarit, Bedri Qorri.

Seanca paraprake është caktuar të zhvillohet më datë 26 mars, në orën 10:00, ku gjykata do të vendosë nëse do pranojë apo jo kërkesën e prokurorisë për ta kaluar për gjykim këtë dosje.

25-vjeçari Klodian Rasha mbeti i vrarë në orët e para të mëngjesit të 8 dhjetorit të vitit të kaluar, pasi u qëllua me armën e shërbimit nga efektivi i “Shqiponjave” Nevaldo Hajdaraj.

Mbi ish-efektivin e forcave “Shqiponja” rëndon akuza e vrasjes me dashje.

Hetimet dolën në përfundimin se ditën që ndodhi ngjarja e rëndë viktima nuk ishte i armatosur dhe se arma që u gjet 200 metra larg vendit të ngjarjes nuk i përkiste 25-vjeçarit.

Lexoni gjithashtu:

Pistoleta nuk ishte e Klodian Rashës, Nevaldo Hajdaraj akuzohet për ”vrasje me dashje”

Hetimet për Klodian Rashën vijojnë, nuk kishte njohje me efektivin, rikthehet në detyrë kolegu i Hajdarajt

Protestat për Klodian Rashën, ambasada britanike: Mbështesim tubimet paqësore, të bëhen hetime të drejta