“Mbroni nazizmi”- Përplasje në politikën gjermane, kritika të djathtës ekstreme

Koalicioni qeverisës në Gjermani akuzoi të djathtën ekstreme për mbrojtjen e idealeve naziste. Reagimi erdhi pasi anëtarë të partive Lëvizja për Identitet dhe Alternativa për Gjermaninë morën pjesë në një takim nëntorin e kaluar, për të diskutuar dëbimin e miliona emigrantëve, përfshirë atyre që kanë nënshtetësi gjermane.

“Ju jeni ujqër të veshur si dele, por fasada juaj ka nisur të kriset. Fytyra juaj e vërtetë ka nisur të dalë dhe ne do ta bëjmë të qartë se çfarë lloj ideologjie ju ndiqni”, deklaroi Lars Klingbeil, kreu i grupit parlamentar të SPD-së.

Debati u mbajt pasi Bundestagu miratoi ligjin që lehtëson largimin e azilkërkuesve. Krahas kësaj, ministrja e Brendshme e Gjermanisë, Nancy Faeser u tha gazetarëve se ekzistonte një “përpjekje e pastër për të përcaktuar etnikisht se kush mund të qëndrojë në Gjermani”, një ideologji tërësisht naziste.