Shkaktoi zjarrin ku vdiqën 36 persona, dënohet me vdekje 45-vjeçari në Japoni

Një japonez është dënuar me vdekje për një sulm me zjarr në një studio animacioni në Kioto në vitin 2019, i cili vrau 36 persona dhe plagosi dhjetëra të tjerë.

Incidenti, një nga më vdekjeprurësit në Japoni në dekadat e fundit, vrau kryesisht artistë të rinj dhe tronditi botën anime.

Shinji Aoba, 45 vjeç, u deklarua fajtor për sulmin, por avokatët e tij kishin kërkuar një dënim më të lehtë, duke argumentuar arsyet e “paaftësisë mendore”.

Megjithatë, gjyqtarët e refuzuan këtë, duke vendosur që Aobo e dinte se çfarë po bënte.

“Kam përcaktuar se i pandehuri nuk ishte i çmendur ose i dobët mendërisht në kohën e krimit,” tha kryegjyqtari Masuda gjatë vendimit të enjten në Gjykatën e Qarkut të Kiotos.

“Vdekja e 36 personave është jashtëzakonisht e rëndë dhe tragjike. Frika dhe dhimbja e viktimave të vdekura është e papërshkrueshme,” tha ai sipas raporteve të NHK.

Një nga rastet më tronditëse në dekadat e fundit në Japoni, incidenti ndezi zi kombëtare. Publiku dhe media e vendit e kanë ndjekur nga afër rastin.

Shumë nga stafi i animacionit u vranë pasi u bllokuan në katet e sipërme të studios ndërsa zjarri u përhap.

LEXONI GJITHASHTU:

• Japoni/Në garë me kohën, skuadrat e shpëtimit nxitojnë për të mbijetuarit e tërmetit
• Me 8 persona në bord, avioni ushtarak amerikan rrëzohet në brigjet e Japonisë