Shpërthen bombola e gazit në një banesë në Shijak

Një bombol gazi ka shpërthyer në një banesë në Shijak.

Lajmin e ka bërë të ditur Policia përmes një njoftimi, ku thuhet se ngjarja ndodhi në lagjen “Popullore”.

Fatmirësisht nga shpërthimi i bombolës së gazit nuk ka pasur të lënduar, por vetëm dëme materiale.

Ndërkohë në vendngjarje ndodhet grupi hetimor i cili po punon për zbardhjen e rrethanave dhe shkakut të shpërthimit të bombolës së gazit.

Njoftimi i Policisë:

Në orët e para të mëngjesit, në Shijak në lagjen “Popullore”, në kuzhinën e shtetasit L. K., 70 vjeç, e veçuar nga banesa ku jetonte ka pasur rrjedhje gazi, ku si pasojë e rrjedhjes ka shpërthyer bombola e gazit.

Për pasojë janë shkaktuar vetëm dëme materiale. Në vendngjarje ndodhet grupi hetimor i cili po punon për zbardhjen e rrethanave dhe shkakut të shpërthimit të bombolës së gazit.

LEXONI GJITHASHTU:

• Shpërthen bombola e gazit në një banesë private në Tiranë, lëndohet një grua
• Shpërthen bombola e gazit në Selenicë, humb jetën një 50-vjeçar